.jpg)
යකඩ පොල්ලකින් පහර දී පුද්ගලයෙකු ඝාතනය කළ බව කියන සැකකරුවෙකු අත්අඩංගුවට ගැනීම සඳහා පරීක්ෂණ ආරම්භ කර තිබේ. ඊයේ (21) වැනි දින රාත්‍රී 9.30 ට පමණ මෙම පහර දීම සිදු කර ඇති බව වෙන්නප්පුව පොලීසිය පවසයි.
වයික්කාල - සින්දාත්‍රිය පදිංචිව සිටි වර්ණකුලසුරිය ජෝෂප් ප්‍රැන්සිස් ප්‍රනාන්දු (46) නම් අයෙකු මෙලෙස මියගොස් ඇත බව අද දෙරණ වාර්තාකරු සඳහන් කරයි.
මියගොස් ඇති අයගේ නිවස ආසන්නයේ සිටි අසල්වැසියෙකු විසින් මෙම පහර දීම සිදු කර ඇති බව මුලික විමර්ශන වලදී හෙළි වී තිබේ.
සිද්ධියෙන් තුවාල ලැබු පහරකෑමට ලක්වු අය මීගමුව මහා රෝහල වෙත ඇතුළත් කළත් ඔහු බාහිර ප්‍රතිකාර අංශයේදී මියගොස් තිබුණි.
මෙම ඝාතනය කුමන හේතුවක් මත සිදුකළාද යන්න මෙතෙක් අනාවණය වී නොමැති බව පොලීසිය පවසයි.
මේ සම්බන්ධයෙන් වෙන්නප්පුව පොලීසිය වැඩිදුර පරීක්ෂණ සිදුකරයි.
Untitled Document
Post a Comment