.jpg)
නීති විරෝධි ලෙස මෙරටට ගෙන්වන ලද රුපියල් දෙකෝටි විසිපන්ලක්ෂයක වටිනාකමකින් යුතු දුම්වැටි තොගයක් කටුනායක ගුවන් තොටුපළ රේගුව විසින් සිය භාරයට ගෙන තිබේ. දුම්වැටි ලක්ෂ 9 ක් මෙහිදී සිය භාරයට ගත් බව රේගු මාධ්ය ප්රකාශක ලෙස්ලි ගාමිණි මහතා සඳහන් කළේය.
පසුගිය ජුනි මස 14 වැනිදා ඩුබායිහි සිට මෙරටට එවනු ලැබූ ඩෙනිම් රෙදි සහිත බවට සඳහන් කළ පෙට්ටි 15ක තිබී මෙම දුම්වැටි තොගය සොයාගෙන ඇත්තේ ඒ පිළිබඳ රේගු නිලධාරීන්ට ඇතිවූ සැකයක් මතය.
ඒ අනුව සිදුකළ විමර්ශන වලදී අදාළ දුම්වැටි තොගය ගෙන්වූ ඇලකන්ද සහ ඔරුගොඩවත්ත ප්රදේශයේ පදිංචි පුද්ගලයින් තිදෙනෙකු අත්අඩංගුවට ගැනීමට හැකිවූ බව රේගු මාධ්ය ප්රකාශකවරයා සඳහන් කළේය.
අත්අඩංගුවට ගත් සැකකරුවන් තිදෙනා මේ වන විට රක්ෂිත බන්ධනාගාර ගතකර තිබේ.
Untitled Document
Post a Comment